კახეთის სახელმწიფო რწმუნებულმა, გიორგი ალადაშვილმა, ყვარლის მუნიციპალიტეტის მერმა, გივი ზაუტაშვილმა და საკრებულოს თავმჯდომარემ, ილია მზექალაშვილმა ყვარლის შესასვლელში სახელმწიფო დროშა აღმართეს.

ღონისძიება სახელმწიფო ჰიმნის თანხლებით ჩატარდა. სახელმწიფო ჰიმნი ადგილობრივმა ფოლკლორულმა ანსამბლებმა შეასრულეს.

სახელმწიფო დროშის აღმართვის ღონისძიებაში მუნიციპალიტეტის მერის მოადგილეები -ზურაბ ნემსაძე და გიორგი ქოქიაშვილი იღებდნენ მონაწილეობას.