GEO ENG

სიახლეები

ყვარლის მუნიციპალიტეტში ახლად რეაბილიტირებული საბავშვო ბაღი გაიხსნა

6 დეკემბერი, 2023
ყვარლის მუნიციპალიტეტის სოფელ შილდაში #2 საბავშვო ბაღის შენობის სრული რეაბილიტაცია დასრულდა.
პროექტი რეგიონებში განსახორციელებელი პროექტების ფონდიდან 1 მილიონ 20 ათასი ლარით დაფინანსდა.
ახლად რეაბილიტირებული საბავშვო ბაღი 3 ჯგუფზეა გათვლილი. ბაღის შენობა თანამედროვე სტანდარტებთან შესაბამისად რეაბილიტირდა და აღიჭურვა.
სოფელ შილდაში, ახლად რეაბილიტირებული საბავშვო ბაღის გახსნის ღონისძიებას რეგიონული განვითარებისა და ინფრასტრუქტურის მინისტრის პირველი მოადგილე ილია ბეგიაშვილი, კახეთის სახელმწიფო რწმუნებული გიორგი ალადაშვილი და ადგილობრივი ხელისუფლების წარმომადგენლები დაესწრნენ.
„2023 წელი რეგიონებში განსახორციელებელი პროექტების მიმართულებით მასშტაბური და ნაყოფიერი იყო. 395 მილიონი ლარის ფონდიდან 53 მილიონი ლარის, დაახლოებით, 125 პროექტი მიმდინარეობდა კახეთის რეგიონის მუნიციპალიტეტებში. პროექტების სპექტრი ფართოა - წყალმომარაგების, გზების, ბაღებისა და სპორტული ინფრასტრუქტურის პროექტები და ფაქტობრივად, ყველა პროექტი დასრულების ეტაპზეა,“- აღნიშნა რეგიონული განვითარებისა და ინფრასტრუქტურის მინისტრის პირველმა მოადგილემ, ილია ბეგიაშვილმა.
მან, ასევე, ისაუბრა პრემიერ-მინისტრის გადაწყვეტილებით დაწყებულ საბავშვო ბაღებისა და სკოლების მშენებლობა-რეაბილიტაციის მასშტაბური პროგრამების მნიშვნელობაზე, რომელიც ქვეყანაში რამდენიმე ასეული საბავშვო ბაღისა და სკოლის მშენებლობასა და რეაბილიტაციას ითვალისწინებს.

სასარგებლო ბმულები

© 2015 - 2024 კახეთის მხარეში სახელმწიფო რწმუნებულის
- ადმინისტრაცია
- ყველა უფლება დაცულია
Artmedia