GEO ENG

სიახლეები

თელავის მუნიციპალიტეტში 180 ბავშვზე გათვლილი, ორი ახალი საბავშვო ბაღი შენდება

25 იანვარი, 2023

თელავის მუნიციპალიტეტში, 180 ბავშვზე გათვლილი, 2 ახალი საბავშვო ბაღი შენდება.
საქართველოს რეგიონული განვითრებისა და ინფრასტრუქტურის სამინისტროს მუნიციპალური განვითარების ფონდი თელავის მუნიციპალიტეტში, სოფელ კურდღელაურსა და სოფელ ვარდისუბანში 180 ბავშვზე გათვლილ საბავშვო ბაღებს აშენებს.
მშენებლობის დასრულების შემდეგ, ბაღების აღსაზრდელები საცხოვრებელთან ახლოს მდებარე, საერთაშორისო სტანდარტის შესაბამის ბაღში ივლიან.
ახალ საბავშვო ბაღებში ეწყობა სათამაშო და საძინებელი ოთახები, საპირფარეშოები და ეზოები. პროექტში გათვალისწინებულია შიდა და გარე სივრცეების, რეკრეაციული ზონების, კომუნიკაციების და სველი წერტილების კეთილმოწყობა.
ბაღის შენობა ადაპტირებული იქნება განსაკუთრებული საჭიროებების მქონე პირთათვის.
ახალი ბაღების მშენებლობას აზიის განვითარების ბანკი 7 მილიონი ლარით აფინანსებს.
საქართველოს რეგიონული განვითარებისა და ინფრასტრქუტურის სამინისტროს მუნიციპალური განვითარების ფონდი, აზიის განვითარების ბანკის ფინანსური მხარდაჭერით, ქვეყნის მასშტაბით, 20 საბავშვო ბაღის მშენებლობას ახორციელებს. პროგრამის ჯამური ღირებულება 79 მილიონი ლარია. პროგრამის დასრულების შემდეგ, განახლებული ინფრასტრუქტურით, ჯამში 2275 ბავშვი ისარგებლებს.

სასარგებლო ბმულები

© 2015 - 2024 კახეთის მხარეში სახელმწიფო რწმუნებულის
- ადმინისტრაცია
- ყველა უფლება დაცულია
Artmedia