serialize error! სიახლეები » კახეთის მხარეში სახელმწიფო რწმუნებულის ადმინისტრაცია
GEO ENG

სიახლეები

ფიცის დადების საზეიმო ცერემონია ერეკლე მეფის სასახლის ეზოში

23 თებერვალი, 2018

2018 წლის 23 თებერვალს ქ. თელავში, ერეკლე მეფის სასახლის ეზოში საქართველოს ეროვნული გვარდიის 20-ე კადრირებული ბრიგადის 41 სამხედრო მოსამსახურის ფიცის დადების ცერემონია გაიმართა. ღონისძიებაზე სამხედრო მოსამსახურეებს სიტყვით მიმართეს და ფიცის დადების მნიშვნელოვანი დღე მიულოცეს: კახეთის სახელმწიფო რწმუნებულმა - გუბერნატორმა - ირაკლი ქადაგიშვილმა, საქართველოს ეროვნული გვარდიის უფროსმა - პოლკოვნიკმა ირაკლი ჭუმბურიძემ და თელავის მუნიციპალიტეტის მერმა - შოთა ნარეკლიშვილმა. ფიცის დადების შემდეგ, საწყისი საბრძოლო მომზადების კურსის მაღალხარისხიანად ჩატარებისთვის ხუთ სამხედრო მოსამსახურეს, მე-20 კადრირებული ბრიგადის მეთაურის მოვალეობის შემსრულებლის - ვიცე-პოლკოვნიკის გიორგი გელაშვილის სახელით მადლობა გამოეცხადათ. კურსდამთავრებულები საქართველოს ეროვნული გვარდიის კაპელანმა მამა მიქაელმა დალოცა. ფიცის დადების საზეიმო ცერემონიის დასრულების შემდეგ, ადგილობრივი ფოლკლორული ანსამბლების მონაწილეობით კონცერტი გაიმართა.

სასარგებლო ბმულები

© 2015 - 2019 კახეთის მხარეში სახელმწიფო რწმუნებულის
- ადმინისტრაცია
- ყველა უფლება დაცულია
Artmedia