სიღნაღის მუნიციპალიტეტის „სოციალურად უმწეოთა თერაპიის კავშირ ქედელში“,,სოციალური საწარმოს გაძლიერება – თემის მდგრადობის უზრუნველყოფისათვის“ პროექტის პრეზენტაცია გაიმართა.
პროექტი ჩეხეთის რესპუბლიკის საელჩოს განვითარების პროგრამის მხარდაჭერით და დაფინანსებით ხორციელდება.
პროექტის ფარგლებში, ჩეხეთის რესპუბლიკის საელჩომ „სოციალურად უმწეოთა თერაპიის კავშირ ქედელს“ სასოფლო-სამეურნეო მიწების დასამუშავებლად ტრაქტორი შეუძინა.

პრეზენტაციას ჩეხეთის ელჩი საქართველოში ტომაშ პერნიცკი, კახეთის გუბერნატორი ირაკლი ქადაგიშვილი და ადგილობრივი თვითმმართველობის წარმომადგენლები ესწრებოდნენ.

სტუმრებმა ორგანიზაციის ბენეფიციარებთან ერთად, თემი „ქედელის“ სახელოსნოები და მეურნეობები დაათვალიერეს.