თელავში (ვარდოშვილის 5/ა), კახეთის გუბერნატორის პირველი მოადგილე ირაკლი შიოშვილი, სპორტისა და ახალგაზრდობის საქმეთა მინისტრი ტარიელ ხეჩიკაშვილი და მინისტრის მოადგილე შალვა გოგოლაძე მშენებარე მრავანფუნქციურ სპორტულ კომპლექსს ესტუმრნენ, სადაც უკვე დაიწყო მუშაობა ორმა საცურო აუზმა, უახლოეს პერიოდში კი დამატებით ორი აუზის მშენებლობა დასრულდება. ახალი კომპლექსი დაათვალიერა საწყლოსნო სახეობათა ფედერაციის პრეზიდენტმა დავით რურუამ.
თელავში სპორტული კომპლექსი კერძო ინვესტიციით შენდება. ამ ეტაპზე მუშაობს ორი მცირე ზომის აუზი (სიგრძე16; სიგანე 8 მეტრი), კეთილმოეწყო გასახდელები, საშხაპეები, სპორტ-კაფე და უკვე ფუნქციონირებს ორი ფიტნეს დარბაზი.