GEO ENG

პროექტები

თელავის ხევისა და უსახელო ხევის რეაბილიტაცია მიმდინარეობს

26 იანვარი, 2017

თელავის ხევისა და უსახელო ხევის სარეაბილიტაციო სამუშაოები ერთდროულად მიმდინარეობს. სამუშაოების პროცესის გასაცნობად, თელავში იმყოფებოდნენ საქართველოს რეგიონული განვითარებისა და ინფრასტრუქტურის მინისტრი - ზურაბ ალავიძე, საქართველოს მუნიციპალური განვითარების ფონდის აღმასრულებელი დირექტორი - გალაქტიონ ბუაძე და კახეთის რეგიონში სახელმწიფო რწმუნებული - ირაკლი ქადაგიშვილი. 
თელავის 1.5-კმ-იანი ხევი გასუფთავებას, კედლებისა და ძირის გამაგრებას საჭიროებს. უსახელო ხევის ამჟამინდელი მდგომარეობა კი საფრთხეს უქმნის მოსახლეობას და მიმდებარე შენობებს. უსახელო ხევი გადავსებულია ნაგვითა და გრუნტით, რაც საცხოვრებელ სახლებში წყლის შევარდნის საშიშროებას ქმნის. ორივე ხევში გაიზრდება გამტარუნარიანობა, შედეგად, ქალაქ თელავსა და სოფელ კურდღელაურში სახლები აღარ დაიტბორება. 
ორივე ხევის რეაბილიტაცია ევროპის საინვესტიციო ბანკის ფინანსური მხარდაჭერით მიმდინარეობს და მათი საერთო ღირებულება 3 მლნ. ლარს აჭარბებს. სამუშაოებზე 45 ადამიანია დასაქმებული. სამუშაოების დასრულება 2017 წლის ბოლოს იგეგმება.

სასარგებლო ბმულები

© 2015 - 2017 კახეთში სახელმწიფო რწმუნებულის
- გუბერნატორის ადმინისტრაცია
- ყველა უფლება დაცულია
Artmedia